سياسة الخصوصية

المعلومات اللي كيجمع هاد الموقع

هاد الموقع ما فيه حتى استمارة، ما كيحط حتى كوكي ديال التتبع ولا الإشهار، وما كيجمع حتى معلومة شخصية بوحدو.

ملي كتواصل معايا

إلا كتبتي ليا فالواتساب ولا بالإيميل، كيوصلني داكشي اللي اخترتي تشارك (الاسم، النمرة، الميساج، الروابط). كيتستعمل غير باش نجاوبك ونوجدو لشي خدمة مع بعض. ما كيتباعش وما كيتعطاش لحد.

الميساجات ديال الواتساب كتعالجها WhatsApp ‏(Meta) على حساب السياسة ديالها، والإيميلات كيعالجهم مول خدمة الإيميل.

تيست السرعة

الأداة ديال تيست السرعة كتصيفط العنوان اللي كتدخّل نيشان من البراوزر ديالك لخدمة Google PageSpeed Insights اللي كتحلّل الصفحة. ما كيوصلنيش هاد العنوان إلا إلا صيفطتيه ليا نتا.

الحقوق ديالك

على حساب القانون رقم 09-08 ديال حماية الأشخاص فمعالجة المعطيات الشخصية، تقدر تطلب تشوف، تصحح ولا تمسح المعلومات ديالك إلا كتبتي ليا على contact@elbarry.me.

الهيبرجمون

الموقع مستضاف عند Vercel Inc.، اللي تقدر تسجّل معلومات تقنية (عنوان IP، تاريخ الدخول) محتاجاها باش الخدمة تخدم وتكون آمنة.